For the practical training of BS Medical Laboratory Technology students, a memorandum of understanding ceremony was held between the Department of Medical Laboratory Technology, Islamia University of Bahawalpur, Bahawalpur Laboratory Bahawalpur and Kashif Diagnostic Laboratory Bahawalpur at Khawaja Farid Campus.
پی آر او نمبر 381/24
مؤرخہ 19.10.24
ڈائریکٹوریٹ آف پبلک ریلیشنز اسلامیہ یونیورسٹی بہاولپور
بی ایس میڈیکل لیبارٹری ٹیکنالوجی کے طلباءو طالبات کی عملی تربیت کے لیے شعبہ میڈیکل لیبارٹری ٹیکنالوجی، فیکلٹی آف میڈیسن اینڈ الائیڈ ہیلتھ سائنسز اسلامیہ یونیورسٹی بہاولپور، بہاولپور لیبارٹری بہاولپور اور کاشف ڈائیگنوسٹک لیبارٹری بہاولپور کے درمیان مفاہمتی یادداشت کی تقریب خواجہ فرید کیمپس منعقد ہوئی۔ پروفیسر ڈاکٹر سعید احمد ڈین فیکلٹی آف میڈیسن اینڈ الائیڈ ہیلتھ سائنسز اور ڈین فیکلٹی آف فارمیسی، ڈاکٹر محمد ذوالفقار، چیف ایگزیکٹو آفیسر بہاولپور لیبارٹری بہاولپور اور ڈاکٹر کاشف منیر، چیف ایگزیکٹو آفیسر کاشف ڈائیگنوسٹک لیبارٹری بہاولپور نے مفاہمتی یادداشت پر دستخط کیے۔ اس موقع پر قرۃ العین، انچارج شعبہ میڈیکل لیبارٹری ٹیکنالوجی، ذیشان یوسف لیکچرار شعبہ میڈیکل لیبارٹری ٹیکنالوجی موجود تھے۔ اس معاہدے کا مقصد تعلیمی اداروں اور صنعت کے درمیان مضبوط اتحاد کو فروغ دینا، صحت کی دیکھ بھال میں تحقیق کو فروغ دینا، تعلیم کے معیار کو بہتر بنانا، اور بی ایس میڈیکل لیبارٹری ٹیکنالوجی کے طلباء کو عملی واقفیت اور تربیت کے مواقع فراہم کرنا ہے۔ یہ شراکت داری طبی سائنس کے میدان میں سائنسی علم اور عملی استعمال کو آگے بڑھانے کی طرف ایک قدم ہے۔
The Islamia University of Bahawalpur was established in the year 1975 by upgrading historical institute of the Jamia Abbasia.
© 2026 The Islamia University of Bahawalpur iub.edu.pk.